Manader/manadra da finanzas ed impostas (100 %)

Arbeitgeber: Cumün da Zernez
  •   Zernez
  •   Vollzeit
  •   Festanstellung / Unbefristet
  •   nach Vereinbarung

Manader/manadra da finanzas ed impostas (100 %)


Viver e lavurar i’l center da l’Engiadina

Il Cumün da Zernez tschertcha causa sortida da l’actual titular da plazza

ün manader/üna manadra da finanzas ed impostas

(commember/-ra da la direcziun operativa)

El/Ella surpiglia la respunsabiltà pels seguaints chomps da lavur:

  • Organisaziun e direcziun independenta da la secziun da finanzas ed impostas dal cumün
  • Commember/-ra da la direcziun operativa e cussagliaziun a la suprastanza cumünala in dumondas finanzialas

Ad El/Ella suotastà l’organisaziun e respunsabiltà operativa dals seguaints dovairs principals:

  • Elavuraziun rendaquints cun preparaziun ed accumpagnamaint da la revisiun externa
  • Planisaziun da finanzas, d’investiziun e da liquidità
  • Process da preventiv
  • Pajas e sgüranzas socialas
  • Andamaints da pajamaints
  • Inchasch da dabuns da cumün ed impostas
  • Gestiun da las sgüranzas
  • Uffizi d‘impostas

El/Ella es commember/ra da la direcziun operativa e maina la secziun da finanzas ed impostas cun ün collavuraint. El/Ella prepara ils affars a man da la direcziun operativa, respectivmaing suprastanza cumünala.


Voss profil:

  • Scolaziun fundamentala da commerzi cun perfecziunamaint sül sectur da finanzas e contabiltà
  • Experienza cumprovada sül sectur da finanzas, scha pussibel pro’l man public
  • Möd da lavur structurà ed independent
  • Ota cumpetenza sociala, resistenza cumprovada, gronda flexibiltà
  • Lingua rumantscha es giavüschada, tudais-ch a bocca ed in scrit

Nus spordschain eir ad ün candidat giuven / üna candidata giuvna üna lavur variada ed interessanta da gronda respunsabiltà cun ün grond spazi d’agir in ün team flexibel chi funcziuna bain. Üna salarisaziun correspundenta, bunas prestaziuns socialas ed uras da lavur regladas. Fuorma da lavur hybrida pussibel.

Infuormaziuns dà il president cumünal, Emil Müller (078 740 29 33).

Annunzchas per quista plazza sun d’inoltrar culla documainta üsitada fin il plü tard ils 25 gün 2021.

Kontakt

Cumün da Zernez
Emil Müller, persunal
Urtatsch 147A
7530 Zernez
Bewerbung